Psa 132 | KGF | STEP | (Ocmuŋ téréyaiguc eŋeŋawac legic.) Yawe, Dawidiac niŋac wamma inéŋ yéwéri hénia hénia bisiqatéŋ waŋec imi niŋɋeliwésémaŋ.

Psalms 132

Anutunéŋ Zioniguc hémbénaŋa kecmac.

1 (Ocmuŋ téréyaiguc eŋeŋawac legic.) Yawe, Dawidiac niŋac wamma inéŋ yéwéri hénia hénia bisiqatéŋ waŋec imi niŋɋeliwésémaŋ. 2 Inéŋ Yawe ʒépaŋgé mima Yakoboac wandac wandac miŋina ʒéseli mima yomuhuc ʒéyec; 3 Ni hélacnec amanaiguc ménda emmaŋ. Hehe duŋnaiguc ménda emma hemaŋ. 4 Waŋu kicna galeŋgéwa gau niŋ ménda wammac, waŋu kicna amia ménda waiwa mamac. 5 Imuhuc wammanec kecma ama geric méŋ Yawe guac buŋa mewa tecgémac. Yakoboac wandac wandac miŋina, ama méŋ guac buŋa mewa tecgéyuguc mia kicna waiwa gauya hemac.

6 Nini Efarata amaiguc tacma sisipac acgawac katapa imuac ʒégic niŋiŋ. Waŋu Yarim baec kisiaiguc mihicŋiyiŋ. 7 Hagic iwac tacyac wawaŋawac amaya imuaru kerenni, keremma héna titiya imuac wésiaiguc sicgémini.

8 O Miŋ Kewu gi yacma tacniniŋ amagaiguc hama embésémaŋ. Gi ʒéma sisipac acgawac katapa kuhaguc imi momacnec. 9 Waŋénécmina héfac oo ichécga ieneŋ haka solaŋanéŋ séwi usugina ésécnec héigic hiŋgacmac. Waŋu ichécga téréya ieneŋ ségiségi wamma qacmu. 10 Weleŋ qeqe icga Dawidiac niŋmiwésémaŋ. Guac haléc naecmimiaga imi ménda nesimina keŋu. 11 Yawenéŋ Dawidiac ac héla yomuhuc ʒépaŋgémiyec. Inéŋ imi ménda andé qema kemmac; Guac sac igucnec hicŋimu ionarunec méŋ tatacga edamuyaguc imuaru opocba tacmac. 12 Naŋhécga eneŋ ʒikiʒiki ac ʒéma héipuc acna ku énécmimaŋ imi tohoma wammuiguc imi naŋhécgina ieneŋ imuhucyanec tatacga edamuyaguc imuaru tetecgia qahac tacmu.

13 Yawenéŋ Zioniguc ^{▼▼132:13Yerusalem tacʒac baec boŋa imuac qara.} tacyac wammaŋ ʒé ama imi megésima yomuhuc ʒéyec; 14 Yomi mia nuac tac niniŋ wawaŋawac buŋa hémbénaŋa wanʒac. Ni imuac waŋi imuac mia yomuaru tacyac wammaŋ. 15 Ni imuac nene yaka kindindiŋa mesaima imuac ic embachéra maqeqeya gumu énécmiwa sécgé énécmimac. 16 Waŋu hofac oo ichéra aŋgéŋ titina imi maleku ésécnec héiénécmimaŋ. Ocmuŋ imuac téré ichéra ieneŋ ségiségi wamma hémbénaŋa legic héima kecmu. 17 Neŋ ʒéwa ama imuaru Dawidiac niŋac wamma iliha méŋ ^{▼▼132:17Ac iliha imuac hénia imi kuc yanda, waŋu yomuaru imi ic kewu méŋ hicŋimac niŋ ʒézéya.} éréma yandimac. Waŋu ni nenaoc halécnéŋ météré mimia iwac niŋ wamma kifa mézézéŋgéwa héŋtegicmu. 18 Neŋ iwac haʒéchéra ionac imi gamu qeqenéŋ séwi usugina ésécnec héiénécmiwa hiŋgacmac, néŋ iwac imi ic kewuac opoc haimiwa asarimac.